ភាពតានតឹងនៅមជ្ឈិមបូព៌ាកើនឡើង បន្ទាប់ពីសហរដ្ឋអាមេរិក និងសម្ព័ន្ធមិត្តបានវាយប្រហារតាមអាកាសលើគោលដៅយោធារបស់អ៊ីរ៉ង់។ គោលដៅយោធាមួយចំនួនត្រូវបានបំផ្លាញ ហើយអ៊ីរ៉ង់បានឆ្លើយតបវិញដោយសកម្មភាពយោធា។ ជាមួយនឹងស្ថានការណ៍កាន់តែតានតឹង សុវត្ថិភាពនៅច្រកសមុទ្រ Hormuz ដែលជាផ្លូវដឹកជញ្ជូនថាមពលសំខាន់របស់ពិភពលោក ក៏ត្រូវបានគេព្រួយបារម្ភផងដែរ។ ការគំរាមកំហែងពីមីស៊ីល និងដ្រូន បានធ្វើឱ្យការដឹកជញ្ជូនប្រេងតាមនាវាកាត់បន្ថយ។ ការវិភាគសារព័ត៌មានបង្ហាញថា ចិននៅតែមានបម្រុងប្រេងគ្រប់គ្រាន់សម្រាប់ប្រើប្រាស់រយៈពេលប៉ុន្មានខែ ប៉ុន្តែរដ្ឋាភិបាលក្រុងប៉េកាំងកំពុងវាយតម្លៃផលប៉ះពាល់រយៈពេលវែងលើសុវត្ថិភាពថាមពល និងសេដ្ឋកិច្ច។ តំបន់មជ្ឈិមបូព៌ាមានសារៈសំខាន់ចំពោះការនាំចូលថាមពល និងការវិនិយោគក្រៅប្រទេសរបស់ចិន។ ប្រសិនបើស្ថានភាពមិនស្ថិតស្ថេរ អាចប៉ះពាល់ដល់យុទ្ធសាស្ត្ររយៈពេលវែងរបស់ចិន។ ក្នុងពេលដូចគ្នា រដ្ឋាភិបាលចិនក៏បានកំណត់គោលដៅកំណើនសេដ្ឋកិច្ចឆ្នាំ 2026 នៅចន្លោះ 4.5% ដល់ 5% ដែលត្រូវបានគេចាត់ទុកថា ជាការព្យាករណ៍ប្រុងប្រយ័ត្នបំផុតមួយចាប់តាំងពីឆ្នាំ 1991។ ការនាំទិសប្រកាស អតីតព្រលានយន្តហោះភ្នំពេញ បើកឲ្យប្រជាពលរដ្ឋចូលដោយឥតគិតថ្លៃនៅពេលបុណ្យចូលឆ្នាំខ្មែរ ស្ថានីយ៍ប្រេងមួយចំនួនបិទបណ្តោះអាសន្ន ខណៈតម្លៃប្រេងនៅកម្ពុជាកើនឡើង
