ក្រសួងទេសចរណ៍កម្ពុជាបានឲ្យដឹងថា នៅថ្ងៃទី 21 ខែមករា រដ្ឋមន្ត្រីទេសចរណ៍ ហួត ហាក់ បានជួបជាមួយតំណាងក្រុមហ៊ុន JFT Jet និង Lotus Group of Companies នៅរាជធានីភ្នំពេញ ដើម្បីពិភាក្សាអំពីការពង្រឹងកិច្ចសហការ ក្នុងការទាក់ទាញភ្ញៀវទេសចរ និងវិនិយោគិនពីប្រទេសរុស្ស៊ី។ ក្នុងជំនួបនេះ មានការចូលរួមពីនាយកប្រតិបត្តិក្រុមហ៊ុន JFT Jet និងនាយកប្រតិបត្តិក្រុមហ៊ុន Lotus Group ដែលក៏ជាអ្នកទទួលបន្ទុក BRICS House ផងដែរ។ ក្រុមហ៊ុន Lotus Group មានគម្រោងបង្កើតសាខា BRICS House នៅកម្ពុជា ដើម្បីជំរុញការវិនិយោគពីប្រទេសរុស្ស៊ី និងបណ្ដាប្រទេស BRICS ផ្សេងៗ។ ភាគីទាំងពីរបានពិភាក្សាអំពីលទ្ធភាពបើកជើងហោះហើរត្រង់ពីរុស្ស៊ីមកកម្ពុជា និងវិធានការផ្តល់ភាពងាយស្រួលផ្នែកទិដ្ឋាការ សម្រាប់ភ្ញៀវ និងវិនិយោគិន។ អាជ្ញាធរបញ្ជាក់ថា កម្ពុជាមានសក្ដានុពលទេសចរណ៍ខ្ពស់ ដោយមានបេតិកភណ្ឌពិភពលោក ឆ្នេរដ៏ស្រស់ស្អាត និងបរិយាកាសសង្គមមិត្តភាព។ ក្រសួងទេសចរណ៍បានសម្តែងទស្សនៈវិជ្ជមានចំពោះការអភិវឌ្ឍទីផ្សារភ្ញៀវរុស្ស៊ី តាមរយៈកិច្ច សហការរវាងរដ្ឋ និងឯកជន ហើយរំពឹងថា ការសហការនេះនឹងជួយលើកកម្ពស់វិស័យទេសចរណ៍ និងសេដ្ឋកិច្ចជាតិ ក្នុងរយៈពេលវែង។ ការនាំទិសប្រកាស កម្ពុជាបង្កើនលក្ខខណ្ឌការទទួលសញ្ជាតិសម្រាប់ជនបរទេស កំណត់ការវិនិយោគយ៉ាងតិច ១ លានដុល្លារ ឬការបរិច្ចាគ ៣ លានដុល្លារ
