រដ្ឋបាលទីក្រុងតៃប៉ិបានប្រកាសថា នឹងរៀបចំសមយុទ្ធសន្តិសុខកម្រិតខ្ពស់ នៅស្ថានីយ៍រថភ្លើងតៃប៉ិ នៅរសៀលថ្ងៃពុធនេះ ដើម្បីពង្រឹងសមត្ថភាពឆ្លើយតបទៅនឹងហានិភ័យសន្តិសុខធ្ងន់ធ្ងរ។ ក្នុងអំឡុងពេលសមយុទ្ធ ប្រជាពលរដ្ឋនៅតំបន់ជុំវិញស្ថានីយ៍ អាចទទួលបានសារជូនដំណឹងតាមទូរស័ព្ទ ដែលបង្ហាញអំពី “ហេតុការណ៍សន្តិសុខធ្ងន់ធ្ងរ”។ អាជ្ញាធរបញ្ជាក់ថា នេះគ្រាន់តែជាសមយុទ្ធសាកល្បង មិនមែនហេតុការណ៍ពិតឡើយ។ សមយុទ្ធនេះនឹងប្រព្រឹត្តទៅចន្លោះម៉ោង 2 រសៀល ដល់ 3 រសៀល ដោយមានគោលបំណងឱ្យប្រជាពលរដ្ឋស្គាល់វិធីការពារខ្លួន និងការជម្លៀស នៅពេលមានស្ថានការណ៍បន្ទាន់។ សារជូនដំណឹងនឹងមានការបញ្ជាក់ថា ជា “សមយុទ្ធ (Drill)” និងបង្ហាញថាបញ្ជូនដោយរដ្ឋបាលទីក្រុងតៃប៉ិ។ ប្រជាពលរដ្ឋត្រូវបានណែនាំឱ្យរក្សាភាពស្ងប់ស្ងាត់ រកកន្លែងមានសុវត្ថិភាព និងជៀសវាងការឈប់មើលស្ថានការណ៍។ អាជ្ញាធរអំពាវនាវឱ្យប្រជាពលរដ្ឋ ដែលទទួលបានសារនេះ អនុវត្តតាមការណែនាំរបស់បុគ្គលិកនៅទីតាំង និងកងសន្តិសុខ។ ការនាំទិសប្រកាស កម្លាំងសមត្ថកិច្ចបង្ក្រាបករណីចាប់ឃុំឃាំង និងបង្ខាំងមនុស្សជំរិតទារប្រាក់ នៅខណ្ឌបឹងកេងកង ឃាត់ខ្លួនជនជាតិចិនម្នាក់ និងរំដោះនារីខ្មែរម្នាក់
